To‘qayev “AMANAT” partiyasi raisi vakolatini o‘zidan soqit qildi
Qozog‘iston Prezidenti Qosim-Jo‘mart To‘qayev bugundan eʼtiboran “AMANAT” partiyasining raisi vakolatini o‘zidan soqit qildi.
«Davlat rahbari hech bir partiyaga ustuvor ahamiyat bermasligi, yaʼni siyosiy jihatdan betaraf bo‘lishi kerak. Bu mening aniq pozitsiyam», — dedi Prezident “AMANAT” partiyasi qurultoyida.
To‘qayev, shuningdek, partiya raisligiga QR Parlamenti Majilisi raisi Yerlan Qoshanov nomzodini taklif qildi.
Eslatib o‘tamiz, bugun Prezident ishtirokida “AMANAT” partiyasining XXIII qurultoyi bo‘lib o‘tmoqda. Unda barcha viloyatlardan delegatlar ishtirok etmoqda. Kongress onlayn tarzda o‘tkazilmoqda. Qurultoyda “ADAL” siyosiy partiyasini “AMANAT” partiyasiga birlashtirish masalasi ko‘rib chiqilishi rejalashtirilgan.
