3–5-may respublikaning ayrim hududlarida sel kelishi mumkin
“O’zgidromet” bu bo’yicha shoshilinch axborot e’lon qildi.
Xabarga ko’ra, joriy yilning 3–5 may kunlari kutilayotgan kuchli yomg‘irlar yog‘ishi sababli quyidagi hududlarida sel-suv toshqin hodisalari yuzaga kelishi mumkin.
— Qashqadaryo viloyatining Yakkabog, Dehqonobod, Chiroqchi, Kitob, Shahrisabz, Qamashi, G‘uzar, Koson tumanlarida;
— Surxondaryo viloyatining Sariosiyo, Uzun, Oltinsoy, Denov, Boysun, Sherobod, Sho‘rchi, Qumqorg‘on, Muzrobot tumanlarida;
— Samarqand viloyatining Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Poyariq, Jomboy, Ishtixon tumanlarida;
— Navoiy viloyatining Xatirchi, Navbahor, Nurota, Konimex, Karmana tumanlarida;
— Jizzax viloyatining Zomin, Baxmal, G‘allorol, Sharof Rashidov, Forish, Yangiobod tumanlarida;
— Toshkent viloyatining Ohangaron, Bo‘stonliq, Parkent, Piskent, O‘rta Chirchiq, Yuqori-Chirchiq tumanlarida va Angren, Olmaliq shaharlarida;
— Namangan viloyatining Pop, Kosonsoy, Chortoq, Chust, Namangan, Yangiqurg’on tumanlarida;
— Farg’ona viloyatining So’x, Farg’ona, Beshariq tumanlarida;
— Andijon viloyatining Andijon, Asaka, Jalalquduk, Qo’rg’ontepa, Paxtaobod, Izboskan, Xo‘jaobod, Marxamat tumanlarida va Xonobod shahrida.
“Tog‘ oldi va tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlarini so‘raymiz”, — deyiladi rasmiy xabarda.
