Putin Yevroittifoq fuqarolari uchun viza imtiyozlarini bekor qildi
Bu Ittifoqning sanksiyalariga qarshi javobdir.
Rossiya prezidenti Vladimir Putin aksariyat Yevropa davlatlari fuqarolari uchun bir qator viza imtiyozlarini to‘xtatuvchi qonunni imzoladi. Tegishli ma’lumotlar huquqiy axborotning rasmiy portalida joylashtirilgan.
Mazkur qonun rasmiy delegatsiyalar, milliy va mintaqaviy hukumatlar, shuningdek, parlamentlar, konstitutsiyaviy va oliy sudlar a’zolari uchun viza imtiyozlarini bekor qiladi. Shveysariya, Norvegiya, Daniya, Islandiya va Lixtenshteyn davlatlari bilan tuzilgan xalqaro shartnomalarning diplomatik pasport va vizaga taalluqli ayrim qoidalari to‘xtatib turiladi.
Ta’kidlanishicha, qoidalarni yangilash to‘g‘risidagi qaror faqat Rossiya Prezidenti tomonidan qabul qilinadi.
