“Uzbekistan airways” yangi yo‘nalishda ish boshladi
4-maydan boshlab Urganchdan Farg‘onaga parvozlar yo‘lga qo‘yildi.
O‘zbekistonga tashrif buyurayotgan mehmonlar va mahalliy aholi uchun qulaylik yaratish, shuningdek, mamlakatda ichki turizmni rivojlantirish maqsadida “Uzbekistan airways” AJ 2022-yil 4-maydan Urganch – Farg‘ona – Urganch yo‘nalishida yangi qatnovni yo‘lga qo‘ydi. Bu haqda aviakompaniya matbuot xizmati xabar berdi.
Qayd etilishicha, parvozlar haftada bir marta – chorshanba kunlari amalga oshiriladi.
Eslatib o‘tamiz, avvalroq 3-maydan boshlab O‘zbekistondan Seul shahriga aviareyslar soni ko‘paytirilishi ma’lum qilingandi.
