Afg‘onistonda ayollarga yuzini ochib yurish taqiqlandi
Aks holda, ayolning erkak qarindoshlari qamoqqa olinadi.
Afg‘onistonda Tolibon hukumati ayollarga jamoat oldida yuzlarini yopishni buyurdi.
Guruhning oliy rahbari Haybatulloh Oxundzodaning farmonida aytilishicha, agar ayol uydan tashqarida yuzini berkitmasa, uning otasi yoki eng yaqin erkak qarindoshi qamoqqa olinishi yoki davlat ishlaridan ishdan bo‘shatilishi mumkin.
“Biz dunyoni Islom Amirligi va Afg‘oniston xalqi bilan hamkorlik qilishga chaqiramiz... Bizni bezovta qilmang. Bosim o‘tkazmang, chunki tarix guvoh, afg‘onlar bosimdan ta’sirlanmaydi”, — deydi Ezgulikni targ‘ib qilish va yomonliklarning oldini olish vaziri Xolid Hanafiy matbuot anjumanida.
Avvalroq Tolibon hukumati qizlar uchun o‘rta maktablarni yopib qo‘ygani ortidan ba’zi diniy ulamolar va islomiy davlatlar tomonidan qattiq tanqidga uchragandi.
