JSST rahbari Kiyevga bordi
Avvalroq BMT Bosh kotibi ham Ukrainaga kelgandi.
JSST bosh direktori Tedros Adanom Gebreyesus Ukrainaga ishchi tashrif bilan keldi. Bu haqda u o‘zining Twitter sahifasida maʼlum qilgan.
"Ukrainaga yetib keldim", — degan Gebreyesus.
Tashrif davomida JSST rahbari tashkilotning Ukrainadagi xodimlari bilan uchrashishni rejalashtirgan.
Gebreyesus ukrainalik bolalarga ko‘rsatilayotgan yordamni ko‘paytirish zarurligini taʼkidlagan.
"O‘zim urushda katta bo‘lgan bola sifatida men bolalarning nimani his qilayotganini tushunaman", — deb qo‘shimcha qilgan u.
Avvalroq BMT bosh kotibi Antoniu Guterrish Kiyevga kelgani to‘g‘risida xabar berilgandi.
