Rossiya Prezidenti Shavkat Mirziyoyevga tabrik yo‘lladi
Qutlov Ulug‘ Vatan urushida qozonilgan Gʻalabaning 77 yilligi munosabati bilan amalga oshirilgan.
Rossiya Prezidenti Vladimir Putin Gʻalabaning 77 yilligi munosabati bilan bir qator davlat rahbarlariga, shu jumladan, O‘zbekiston yetakchisi Shavkat Mirziyoyevga tabrik yo‘lladi. Bu haqda Kreml matbuot xizmatiga tayanib, “Sputnik” xabar berdi.
“Turli mamlakatlar odamlariga juda ko‘p azob-uqubatlar keltirgan nasizmning qayta tiklanishiga yo‘l qo‘ymaslik bugungi kundagi umumiy burchimizdir. Urush yillari voqealari, umumiy ma’naviy qadriyatlar va qardoshlik do‘stligi an’analari haqidagi haqiqatni asrab-avaylash va avlodlarga yetkazish zarur”, — deyiladi tabrikda.
Yuqoridagi mazmundagi tabrik Ozarbayjon, Armaniston, Belarus, Qozog‘iston, Qirg‘iziston, Tojikiston, Turkmaniston, Moldova, Abxaziya, Janubiy Osetiya, Dones xalq respublikasi, Lugansk xalq respublikasi rahbarlari hamda Ukraina va Gruziya xalqlariga ham yo‘llangan.
