Tojikiston chegarachilari jangovar holatga keltirildi
Bunga Afg‘oniston tomonidan raketa uchirilishi sabab bo‘lgan.
Bugun, 7-may kuni Afg‘onistonning Taxor viloyatidagi Hojag‘ar hududida “Tolibon” va “Islom davlati” o‘rtasida to‘qnashuv yuz berdi. To‘qnashuv Tojikiston davlat chegarasiga yaqin joyda, ya’ni 12-sonli chegara zastavasi ro‘parasida sodir bo‘lgan.
Jang oqibatida o‘qlar Tojikiston hududiga ham uchib o‘tgan. Tojikiston tomonidan qurbonlar va moddiy zarar qayd etilmagan.
Ayni paytda Tojikistonda chegarachilar to‘liq jangovar shay holatiga keltirilgan. Bu haqda mamlakat Milliy xavfsizlik davlat qo‘mitasi chegara qo‘shinlari matbuot xizmati xabar bermoqda.
Qo‘mita hozir tojik-afg‘on chegarasidagi vaziyat barqaror deb baholanayotgani va u tojikistonlik chegarachilar nazorati ostida ekanini qo‘shimcha qilgan.
