Ukraina grechka va guruch eksportini chekladi
Avvalroq go‘sht mahsulotlari eksportiga kvota kiritilgandi.
Ukraina taqchillikning oldini olish uchun grechka, guruch va suli eksportiga cheklovlar kiritdi. Bu haqda “Report” nashri xabar bermoqda.
Qayd etilishicha, mazkur qaror shanba kuni Ukrainaning agrar siyosat va oziq-ovqat vaziri o‘rinbosari Taras Visotskiy tomonidan ma’lum qilingan.
“Cheklovlar harbiy holat davrida amal qiladi”, — degan vazir.
Eslatib o‘tamiz, mart oyi boshida Ukraina hukumati eksporti lisenziyalanishi kerak bo‘lgan mahsulotlar ro‘yxatini kengaytirib, uni bug‘doy, makkajo‘xori, go‘sht va mahalliy tovuq tuxumlari va kungaboqar yog‘i bilan to‘ldirgan. Bundan tashqari, qoramollar, ularning go‘shti, tuz, shakar, javdar, tariq va iste’mol qilinadigan go‘sht mahsulotlari eksportiga kvotalar joriy etilgan.
