Ertaga Toshkentning ayrim ko‘chalari gazdan uziladi
Jami 1,5 mingga yaqin xonadonga 7 soat gaz bo‘lmaydi.
11-may kuni Toshkent shahrining Mirzo Ulug‘bek tumanidagi ayrim ko‘chalarda gaz ta’minoti vaqtincha uziladi.
Xabar qilinishicha, ertaga tumanning Sayram ko‘chasida joylashgan gaz quvurida ta’mirlash ishlari olib boriladi. Shu munosabat bilan Buyuk ipak yo‘li, Arslonbob, Mirzo Ulug‘bek, Olmachi, Olmachi berk ko‘chalaridagi jami 1432 ta xonadonlarda hamda 30 ta ulgurji iste’molchilarda gaz ta’minoti vaqtincha to‘xtatiladi.
Gaz ta’minoti kunduzgi soat 10:00 da uzilib, 17:00 ga qadar qayta tiklanadi.
