Budapesht Rossiya-Ukraina muzokaralari o‘tkazilishi uchun ochiq – Peter Siyarto
Vengriya bosh diplomati, shuningdek, uning mamlakati hech qachon qurol tranziti hududiga aylanmasligini maʼlum qilgan.
Vengriya Budapeshtda Ukraina mojarosini hal qilish bo‘yicha muzokara o‘tkazishni taklif qildi. Bu haqda mamlakat tashqi ishlar vaziri Peter Siyarto El Pais nashriga bergan intervyusida aytib o‘tdi.
“Avval bizning RF bilan pragmatik aloqalarimiz bor edi. Urush boshlanganidan buyon bosh vazir [Viktor Orban] Vladimir Putin bilan bir necha bor telefon orqali muloqot qildi. U Budapeshtni istalgan turdagi tinchlik muzokaralari uchun taklif qildi”, – degan diplomat.
Shuningdek, Vengriya TIV rahbari Ukraina bilan chegara qurol yetkazib berish nuqtasiga aylanishiga qarshiligini maʼlum qilgan va Budapesht hech qachon qurol tranziti hududiga aylanmasligini qayd etgan.
Avvalroq Siyarto Rossiya neftiga qarshi embargoga qo‘shilish shartini ochiqlagandi.
