O‘zbekiston Qahramoni Lola Murotova qattiq betob bo‘lib qoldi
Ayni paytda tajribali shifokorlar tomonidan kerakli muolajalar olib borilmoqda.
Oltiariq tumanidagi “Nurli obod” fermer xo‘jaligi rahbari Lola Murotova qattiq betob bo‘lib qoldi. Bu haqda Prezident matbuot xizmati xabar berdi.
Qayd etilishicha, Shavkat Mirziyoyev topshirig‘i bilan Bosh vazir o‘rinbosari Sh.Gʻaniyev, sog‘liqni saqlash vaziri B.Musayev, Prezident maslahatchisi o‘rinbosari A.Jurabayev va Prezident matbuot kotibi Sh. Asadov viloyat shoshilinch tibbiy yordam markazida davolanayotgan Lola Muratova holidan xabar olishgan. Ular bemorga davlat rahbarining salomini va tezda shifo topish tilagini yetkazishgan.
Ayni paytda Respublika shoshilinch tibbiy yordam ilmiy markazi bosh direktori D.To‘laganov, Respublika ixtisoslashtirilgan tibbiyot markazlari rahbarlari X.Fozilov, F.To‘rayev, M. Irismetov, tibbiyot fanlari doktori O.Ahmedov va boshqa qator tibbiyot muassasalari direktorlaridan iborat konsilium boshchiligida tajribali shifokorlar tomonidan kerakli muolajalar olib borilmoqda.
