Prezident Farg‘onaga tashrifini Oltiariqdan boshladi
Tumanning zamonaviy agrosanoat majmui bo‘lishi taʼkidlandi
Shavkat Mirziyoyev tuman chekkasidagi ming gektar adirlikda tashkil etilgan tokzor va bog‘ni borib ko‘rdi.
“Farg‘ona qishloq xo‘jaligida katta natijalarga erishayapti, odamlarning dunyoqarashi o‘zgarayapti, dehqonlar eksportga chiqayapti. Lekin kechagi natija bugunga to‘g‘ri kelmaydi. Doim izlanishda, harakatda bo‘lishimiz kerak. Mana, salgina sharoit yaratilgani uchun shuncha joy bog‘ bo‘ldi. Hali ichki imkoniyatlarimiz juda ko‘p. Bu imkoniyatlarni “inson qadri” tamoyili asosida xalqimiz manfaatiga yo‘naltirish kerak. Vodiy gavhari Farg‘ona bunda namuna bo‘lishi kerak,” – dedi Shavkat Mirziyoyev.
Mazkur hududda Farg‘ona viloyatida meva-sabzavotchilik va gulchilikni rivojlantirish bo‘yicha loyihalar taqdimoti bo‘lib o‘tdi.
