Ertaga Toshkentda ayrim ko‘chalar yopiladi

 

Ertaga, 15-may kuni Toshkentda “Men g‘olib” shiori ostida sport marafoni o‘tkaziladi. Bu haqda shahar hokimligi matbuot xizmati xabar berdi. 

 

Ma’lum qilinishicha, marafon o‘tkazilishi munosabati bilan quyidagi ko‘chalarda soat 06:00 dan 10:00 ga qadar avtomobillar harakati vaqtincha cheklanadi:

 

— Qoraqamish 4-tor va Qoraqamish 2-tor ko‘chalari kesishmasidan Qoraqamish 4-tor ko‘chasi bo‘ylab, undan Talabalar ko‘chasiga ulanib, Kichik halqa yo‘li ko‘chasi kesishmasigacha;

— Kichik halqa yo‘li va Talabalar  ko‘chalari kesishmasidan Kichik halqa yo‘li ko‘chasi bo‘ylab Sag‘bon ko‘chasi kesishmasigacha; 

— Sag‘bon va Kichik halqa yo‘li ko‘chalari kesishmasidan Sag‘bon ko‘chasi bo‘ylab Qoraqamish ko‘chasi kesishmasigacha;

— Kichik halqa yo‘li va Sag‘bon ko‘chalari kesishmasidan Kichik halqa yo‘li ko‘chasi bo‘ylab Oltinsoy ko‘chasi kesishmasigacha;

— Oltinsoy va Kichik halqa yo‘li ko‘chalari kesishmasidan Oltinsoy ko‘chasi bo‘ylab Dilsaroy ko‘chasi kesishmasiga;

— Oltinsoy va Dilsaroy ko‘chalari kesishmasidan Dilsaroy ko‘chasi bo‘ylab Sag‘bon ko‘chasi kesishmasigacha.

 

“Haydovchilardan aylanma yo‘llardan foydalanishni va noqulayliklar uchun uzr so‘raymiz”, — deyiladi xabarda.