Hindistondagi ofis binosida yong‘in yuz berdi
Oqibatda 28 kishi bedarak yo‘qolgan.
Avvalroq Hindiston poytaxti Dehli shahrida to‘rt qavatli ofis binosida yong‘in yuz bergani va oqibatda 27 kishi halok bo‘lgani xabar qilingandi. “Times of India” nashrining xabariga ko‘ra, hodisadan so‘ng 28 kishi bedarak yo‘qolgan.
O‘t o‘chiruvchilar qidiruv-qutqaruv operasiyasi davomida ikkinchi qavatda odam qoldiqlarini topgan, ammo u yerda qancha odam halok bo‘lgani hozircha noma’lum. Kompaniyaning egalari Xarish Goyel va uning ukasi Varun Goyel hibsga olindi.
Yong‘in aka-uka Goyellarning videokuzatuv kamerasi va router kompaniyasining ofislari joylashgan binoning birinchi qavatidan boshlangan.
