Qashqadaryoda MCHJ rahbari 4500 dollar pora bilan ushlandi
U ko‘p qavatli uylarga kommunal xizmat xizmat ko‘rsatish huquqini boshqa tashkilotga o‘tkazib bermoqchi bo‘lgan.
Qarshi shahrida tadbirkorning 5 000 AQSH dollarini qo‘lga kiritgan shirkat rahbari va uning nazoratchisi ushlandi, deya xabar bermoqda Bosh prokuratura huzuridagi Iqtisodiy jinoyatlarga qarshi kurashish departamenti.
Qayd etilishicha, “P.K.” MCHJ rahbari J.R. shirkat hududidagi 11 ta ko‘p qavatli uylarga kommunal xizmat ko‘rsatish huquqini “Ya.O.” MCHJga o‘tkazib berishni va’da qilib, 5000 AQSH dollariga talab qilgan. Shundan so‘ng kelishilgan pulning 4500 AQSH dollarini nazoratchisi M.A. orqali qo‘lga kiritgan. Nazoratchi ushbu pullarni noqonuniy valyuta savdosi bilan shug‘ullanuvchi I.R.dan 50,1 mln so‘mga ayirboshlab olayotgan vaqtida ashyoviy dalillar bilan qo‘lga tushgan.
Mazkur holat yuzasidan Jinoyat kodeksining 168-moddasi (firibgarlik) va 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Eslatib o‘tamiz, avvalroq Qashqadaryo viloyatining Gʻuzor tumani hokim yordamchisi 300 dollar pora bilan qo‘lga tushgandi.
