Toshkentda qariyb 7 tonna yaroqsiz go‘sht sotilayotgani aniqlandi
Shuningdek, boshqa yaroqsiz mahsulotlar savdodan chetlashtirilgan.
Veterinariya-sanitariya ekspertizasi laboratoriya tahlillaridan o‘tkazilganda, joriy yilning o‘tgan davri mobaynida Toshkent shahri dehqon bozorlaridagi 30,6 ming tonna go‘sht, 103 ming tonna o‘simlik mahsulotlari, 163,8 mln dona tuxum, 6,6 ming tonna sut va sut mahsulotlarining isteʼmolga yaroqsiz ekanligi aniqlangan.
Bu haqda AOKAda o‘tkazilgan brifingda Veterinariya va chorvachilikni rivojlantirish davlat qo‘mitasi boshqarma boshlig‘i Alisher Safarov maʼlum qildi.
Maʼlum bo‘lishicha, 6,8 tonna go‘sht va go‘sht maxsulotlari, 43,5 tonna o‘simlik, 89 ming dona tuxum, 4,7 tonna sut va sut mahsulotlari isteʼmolga yaroqsiz bo‘lgani tufayli savdodan chetlashtirilgan va zararsizlantirib yo‘qotilgan.
"Davlat veterinariya xizmati ichki ishlar idoralari bilan hamkorlikda 58 holatda amaldagi qonun talablari va normalarining buzilish holatlarida jami 12 tonna go‘sht va go‘sht mahsulotlari isteʼmolga yaroqsizligi aniqlanib, o‘rnatilgan tartibda zararsizlantirildi", – deydi brifingda Alisher Safarov.
