22-may kuni Toshkentda ayrim ko‘chalar yopiladi
Shu kuni poytaxtda triatlon bo‘yicha ochiq chempionat bo‘lib o‘tadi.
Joriy yilning 22-may kuni Toshkentda “Uzexpocenter” va “Intercontinental” ko‘rgazmalar majmuasining hududida triatlon bo‘yicha O‘zbekiston ochiq chempionati bo‘lib o‘tadi.
Shu munosabat bilan yakshanba kuni soat 6:00 dan 13:00 gacha quyidagi yo‘nalishlarda avtomobillar harakati cheklanadi:
• Kichik xalqa avtomobil yo‘li — Bo‘zsuv ko‘prigidan (mo‘ljal: Minor masjidi va Malika) Chingiz Aytmatov ko‘chasi bilan kesishmagacha;
• Sharof Rashidov shohko‘chasi — Xalqaro biznes markazidan Osiyo ko‘chasi bilan kesishmagacha.
“Noqulayliklar uchun uzr so‘raymiz va haydovchilarga aylanma yo‘llardan foydalanishni tavsiya qilamiz”, — deyiladi Toshkent shahar hokimligi matbuot xizmati xabarida.
