AQSH KXDR va Xitoyga vaksina yetkazib berishni taklif qildi – Bayden
12-may kuni Shimoliy Koreyada koronavirus holatlari rasman aniqlangan edi.
AQSH Shimoliy Koreyaga koronavirusga qarshi vaksina yetkazib berishni taklif qildi. Bu haqda Jozef Bayden Janubiy Koreya prezidenti Yun Sok Yol bilan muzokara yakunlari yuzasidan tashkil qilingan matbuot anjumanida aytib o‘tgan.
“Biz Shimoliy Koreyaga, shuningdek, Xitoyga vaksina taklif qildik”, – degan u. Shu bilan birga AQSH prezidenti aynan qaysi kompaniya vaksinalarini yetkazib berish haqida maʼlumot bermagan.
12-may kuni KXDRda koronavirus holatlari aniqlangani to‘g‘risida rasman xabar berildi. Shundan keyin mamlakatda lokdaun joriy etildi. Hozirga qadar mamlakatda 2.46 million kasallanish holatlari aniqlangan.
