Andijonda shifokorlar xatosi bilan bemor qornida salfetka qolib ketdi
10 oy o‘tib, bemor qayta operatsiya qilingan.
Andijon viloyati Asaka tumanida bemor qornida operatsiya vaqtida qoldirib ketilgan satfetka 10 oy o‘tib, jarrohlar tomonidan olindi. Holat bo‘yicha tuman hokimligi rasmiy munosabat bildirdi.
Qayd etilishicha, 2020 yilning 5 oktabr kuni Asaka tumani “Gʻanchayuz” MFY Gʻanchayuz ko‘chasida yashovchi O‘.D.ni tuman tibbiyot birlashmasi tasarrufidagi 2-sonli tug‘ruq uyiga “Homiladorlik-1, tug‘ruq 0, 39 xafta 4 kun. Qog‘onoq pardasini tug‘ruqdan oldin yorilishi” tashxisi bilan shifokor akusher-ginekolog F.Xusanova va doya Soliyevalar qabul qilib olgan.
Muayyan tug‘ruq jarayoni bo‘lmaganligi sababli nazorat olib borish maqsadida xasta xomiladorlar bo‘limiga yotqizilgan. Reja asosida laborator va instrumental tekshiruvlar o‘tkazilgan. Kuzatuv davomida ayol xolati qoniqarli (homila xarakati mavjud, yurak urishi xar daqiqada 142 zarba) deb baholangan.
7 oktabr kuni ayolda muayyan tug‘ruq jarayoni boshlanganligi sababli “Homiladorlik 1, 39 xafta 6 kun, tug‘ruqning 1-davri latent fazasi, kamqonlik o‘rta og‘ir daraja, qog‘onoq pardani tug‘ruqdan oldin yorilish” tashxisi bilan tug‘ruq o‘tkazish rejasi tuzilgan. Shu kuni soat 17:30 da tug‘ruq bo‘limi shifokorlari I. Raxmonberdiyeva, M. Muxtorova tomonidan konsilium o‘tkazilib, “Homiladorlik 1, 40 xafta, tug‘ruqning 1-davri aktiv fazasi, kamqonlik o‘rta og‘ir daraja, qog‘onoq pardani tug‘ruqdan oldin yorilishi” tashxisi qo‘yilgan. Shuningdek, portogramma yuritish, nazorat belgilangan. Soat 21:30 da ayol xolati qoniqarli bo‘lib, to‘lg‘oq kuzatilib, bachadon buyinchasini ochilishi samarasiz, xomila yurak urishida taxiaritmiya kuzatilgan bo‘lib, uning soni xar daqiqada 178 zarbani tashkil etgan, oxanglari bug‘iqlashgan. Shu xolatdan kelib chiqib, “Homiladorlik 1, 40 xafta, tug‘ruqning 1-davri aktiv fazasi, xomilaning nomuayyan xolati (ishonchsiz), qog‘onoq pardaning tug‘ruqdan oldin yorilishi, kamqonlik o‘rta og‘ir darajasi belgilanadi.
Shundan so‘ng ayolning oila a’zolari bilan suxbat olib borilib, jarrohlik muolajasiga yozma rozilik olingan. Jarroxlik muolajasi Kesercha-kesish usulida o‘tkazilgan. 7 oktyabr kuni soat 21:48 da jinsi o‘g‘il, vazni 3600 gr bo‘lgan tirik chaqaloq tug‘ilgan. Jarroxlik amaliyoti SMA org‘iqsizlantirilishi yo‘li bilan amalga oshirilgan. Asoratlar kuzatilmagan. Jarrohlikdan so‘ng bemor intensiv kuzatuv olib borish xonasiga o‘tkazilib, infuzion, antibakterial terapiya olib borilgan. 12 oktyabr kuni O‘.D.ga qoniqarli axvolda tirik chaqaloq bilan 10-OP shifokor va patranaj xamshirasi nazorati olib borish tavsiyasi bilan uyiga ketishga ruxsat berilgan.
2021 yilning 16 avgust kuni Asaka tuman SHTYOB bo‘limiga o‘tkir bitishmali ichak tutilishi tashxisi bilan O‘.D. yotqizilgan. Bemor zaruriy laborator va instrumental tekshiruvlardan o‘tkazilib, zudlik bilan operatsiyaga olingan. Tashrix vaqtida bemorning ingichka ichagiga yot jism tiqilib qolganligi aniqlangan. Yot jism olingan va u salfetkaligi aniqlangan, ichak jarohati tikilgan. Chuvalchangsimon o‘simtasi ikkilamchi yallig‘langanligi uchun olib tashlangan. Operatsiyadan keyingi davr tinch o‘tgan.
2021 yilning 20 avgust kuni qoniqarli holatda rejali jarrohlik bo‘limiga o‘tkazilgan. 28 avgust kuni bemor qoniqarli xolatda uyiga ketishga ruxsat berilgan.
Fuqaro O‘.D va uning farzandi hozirda amaliy sog‘lom, salomatligi bo‘yicha hech qanday shikoyat va e’tirozlari yo‘q. Tashrix vaqtidagi olingan video yozuv kelgusida shifokorlar orasida tashrix vaqtida bunday qo‘pol xatolarga yo‘l qo‘ymasliklari, shifokorlarni hushyor bo‘lishligi uchun olingan va noma’lum shaxs tomonidan tarqatib yuborilgan.
