Qashqadaryoda 27 yoshli fuqaro jasadi topildi
U 2-may kuni uyidan chiqib ketib, qaytib kelmagan.
Qashqadadayo viloyatining Dehqonobod tumanida 27 yoshli fuqaro jarga tushib ketib, halok bo‘ldi. Bu haqda viloyat FVB ma’lum qildi.
Qayd etilichicha, 2022 yilning 13 may kuni Qashqadaryo viloyati FVBga Surxondaryo viloyati Angor tumanida yashovchi 1995 yilda tug‘ilgan fuqaro Z.I. Qashqadaryo viloyati Qamashi va Dehqonobod tumanlarining tog‘li hududlarida yo‘qolib qolganligi to‘g‘risida xabar kelib tushgan.
Aniqlanishicha, fuqaro Z.I. joriy yilning 2-may kuni chorva mollarini boqish maqsadida tog‘li hududlarga jo‘nab ketgan va dom-daraksiz yo‘qolgan. Uni yaqinlari ancha qidirgan, biroq topa olmagan.
Murojaatga ko‘ra, viloyat FVB Maxsus vazifalarni bajaruvchi mintaqaviy otryadining 1 ta bo‘linmasi yuqorida nomi ma’lum qilingan manzillarda qidiruv-qutqaruv ishlarini olib borgan.
Qidiruv ishlari davomida fuqaro Z.I. ning jasadi Dehqonobodning Oybek qishlog‘i Darvozakom tepaligining taxminan 10 metr chuqurlikdagi jarlikdan topilgan va yaqin qarindoshlariga topshirilgan.
