AQSH Tayvanning mudofaa salohiyatini kuchaytirish niyatida
Bunda Ukrainadagi tajriba inobatga olinadi.
AQSH Ukrainaga qurol yetkazib berish tajribasidan kelib chiqib Tayvanning mudofaa salohiyatini kuchaytirishni tezlashtirdi. Bu haqda o‘z manbalariga asoslanib The New York Times xabar berdi.
Unga ko‘ra, AQSH Xitoyning ehtimoliy hujumini oldini olish uchun mintaqadagi harbiy ishtirokini kuchaytirmoqchi. Shu maqsadda Tayvanning mudofaa salohiyatini mustahkamlash maqsad qilingan.
Vashington bu borada Kiyevga qurol yetkazib berish tajribasini o‘rganib chiqmoqda. AQSH administratsiyaning ayrim amaldorlari orolda qurol va boshqa vositalarni ko‘paytirmoqchi. Agar bu reja amalga oshsa, Tayvanga hujum o‘ta qimmatga tushishi mumkin.
Shuning uchun Vashington tayvanliklarga F-16V qiruvchi samolyotlari, reaktiv tizimlar va kemaga qarshi qurollar sotishni vaʼda qilgan. Bundan tashqari, Ukrainada bo‘lgani kabi Tayvanga ham razvedka maʼlumotlari taqdim etilishi mumkin.
Tayvan 1949 yildan buyon shaxsiy administratsiyasi tomonidan boshqarib kelinadi. Bu yerga Xitoy fuqarolar urushida Gomindan armiyasiga boshchilik qilgan Chan Kayshi boshchiligidagi kuchlar joylashadi. O‘sha paytdan buyon Tayvan shaxsiy bayroq va ayrim ramzlarni saqlab keladi. Ammo xalqaro huquq nuqtayi nazaridan orol Xitoyning ajralmas qismi hisoblanib, bu dunyoning deyarli barcha davlatlari tomonidan tan olinadi.
Avvalroq Xitoy Tayvanning JSSTga taklif qilinishiga qarshi chiqqandi.
