Andijonda appenditsit bo‘yicha operatsiya qilingan ayol vafot etdi
Holat yuzasidan tergovga qadar tekshiuv boshlangan.
Andijon viloyati Qo‘rg‘ontepa tumanida appenditsiti olib tashlangan ayol operatsiyadan keyin vafot etdi. Holat bo‘yicha viloyat prokuraturasi rasmiy bayonot berdi.
Joriy yilning 26-aprel kuni Qo‘rg‘ontepa tumani “Qo‘shtepa” MFY Mustaqillik ko‘chasida yashagan fuqaro D.O. tuman tez tibbiy yordam bo‘limiga o‘tkir appenditsit tashxisi bilan olib kelingan.
Shu kuni jarrohlik operatsiya o‘tkazilib, operasiyadan keyingi holati yaxshilanmaganligi oqibatida 2022 yil 28 aprel kuni vafot etgan.
Mazkur holat yuzasidan tuman prokuraturasi tomonidan fuqaro D.O. ning o‘limi sabablarini aniqlash maqsadida komissiyaviy sud-tibbiy ekspertizasi tayinlangan. Hozirda tergovga qadar tekshiruv o‘tkazilmoqda.
