Rossiya guruch va don eksportini to‘xtatadi
Bu qaror oziq-ovqat xavfsizligini ta’minlash va ichki narxlarni saqlashga qaratilgan.
Rossiya joriy yilning 1-iyulidan 31-dekabriga qadar guruch va guruchli don mahsulotlarini eksport qilishni taqiqlashi mumkin. Bu haqda “Interfax” nashri xabar bermoqda.
Eksportni cheklash Rossiya Federatsiyasining oziq-ovqat xavfsizligini ta’minlash, shuningdek, guruch yormalari uchun ichki narxlarni saqlashga qaratilgan.Qishloq xo‘jaligi vazirligining prognozlariga ko‘ra, 2022 yilda yalpi guruch xomashyosi 1,1 million tonna, sholi yormasi yetishtirish 550 ming tonnani tashkil etishi kerak edi. Biroq aprel oyida mamlakatning asosiy guruch ishlab chiqaruvchisi bo‘lgan Krasnodar o‘lkasidagi Fedorovskiy suv inshootida to‘g‘on qulab tushdi.
Ayni paytda maydonda restavratsiya ishlari olib borilmoqda. Ekin ekish ularning tugallanishi va optimal agrotexnologik muddatlarga rioya etilishini hisobga olgan holda rejalashtirilgan.
