Kimlar soddalashtirilgan tartibda Rossiya fuqaroligini olishi maʼlum bo‘ldi
Jami 173 ta kasb egalari fuqarolikni qabul qilishi mumkin.
Qanday kasbdagi xorijliklar va fuqaroligi bo‘lmagan shaxslar soddalashtirilgan tartibda Rossiya fuqaroligini olishi mumkinligi ochiqlandi. Bu haqda Rossiya Mehnat vazirligining rasmiy huquqiy internet-portalida maʼlumot berildi.
Vazirlikning yangi buyrug‘iga ko‘ra kasb va mutaxassisliklar ro‘yxati alohida guruhlarga ajratilgan. Ro‘yxatdagi eng katta guruh –“oliy maʼlumotli mutaxassislar (tibbiyot sohasida)” 47 pozitsiyaga bo‘lingan.
Soddalashtirilgan tartibda fuqarolikni olishda ustuvorlik pedagog xodimlar (19 ta mutaxassislik), qishloq xo‘jaligi, atom sanoati, qurilish sohasi mutaxassislariga berilishi qayd etilmoqda.
Ro‘yxatga ilk bor kiritilgan mutaxassisliklar qatorida tizim dasturchisi, biotexnologiya sohasi mutaxassisi, muhandis-ximik, professor, dotsent, fakultet dekani, institut direktori lavozimlari bor.
Ro‘yxatga jami 173 ta kasb va mutaxassisliklardan tarkib topgan, avvalgi xujjat esa 135 ta punkt bilan cheklangan edi.
