Samarqandda 16 nafar “ko‘cha jangchilari” ushlandi
Ular ikki guruhga ajralib, yer masalasida “razbor” o‘tkazishmoqchi bo‘lgan.
Samarqand viloyati Paxtachi tumanidagi “Qoraqo‘ton” ma’danli maydonida hudud talashib, o‘zaro “razbor” o‘tkazmoqchi bo‘lgan fuqarolar qo‘lga olindi. Bu haqda viloyat IIB axborot xizmati xabar berdi.
Qayd etilishicha, IIB xodimlari tomonidan tarkibida oltin moddasi bo‘lgan toshlarni talon-toroj qilish bilan shug‘ullanuvchi 2 ta guruh o‘rtasidagi janjalning oldi olingan.
Tezkor tadbir davomida 16 nafar shaxs qo‘lga olinib, ularga nisbatan ma’muriy qamoq jazosi tayinlangan.
