Toshkentda “Xizmat itlari-2022” ko‘rgazmasi bo‘lib o‘tdi
“Gʻalaba bog‘i”da o‘tkazilgan ko‘rgazmada 100 dan ortiq itlar qatnashdi. Unda Zamon.uz muxbiri ham ishtirok etib, eng ajoyib itlarni suratga tushirdi.
Ko‘rgazmada O‘zbekiston Respublikasi Ichki ishlar, Mudofaa, Favqulodda vaziyatlar vazirliklari, Davlat bojxona qo‘mitasi Milliy kinologiya markazi, Milliy gvardiya, DXX Chegara qo‘shinlari, DXXning “Burgut” pitomniklarida yetishtirilgan jami 100 yaqin xizmat itlari va ularning kinolog inspektorlari qatnashdi.
DXX ning «Burgut» pitomnigi kinologi Qodirjon Islomov va uning qo‘riqchi iti Bars.
Kinolog Dilmurod Rasulov va uning Smoking laqabli xizmat iti. Smoking Bojxonada portlovchi moddalarni qidirib topishga o‘rgatilgan. 3 yoshli it shu paytgacha 5 marta portlovchi moddalarni aniqlagan.
Pomir laqabli 2 yoshli kavkaz ovcharkasi. Pomir DXXning Burgut pitomniklarida qo‘riqlash iti.
Islom Sayfutdinov ko‘rgazmali iti bilan. Kinolog va uning iti ikki yildan buyon ko‘rgazmada g‘olib bo‘lishadi.
Himoya qo‘riqlash xizmati uchun tayyorlangan Simba. Kinolog Ahmadjon Gʻoyepov 8 oylik xizmat iti bilan idoralararo xizmat itlari kubogida qatnashdi.
