Afg‘onistonda maymunchechak aniqlandi
Kasallik Erondan qaytgan muhojirlarda qayd etilgan.
Kecha, 28 may kuni Afg‘onistonning Nimroz viloyatidagi Covid-19 kasalxonasida maymunchechak kasalligiga shubha qilingan ikkita holat aniqlangan. Bu haqda sog‘liqni saqlash manbalariga tayanib, “Ariana News” nashri xabar berdi.
Ma’lum qilinishicha, kasallik Erondan deportasiya qilingan muhojirlar orasida qayd etilgan. Ularda isitma, bosh og‘rig‘i, mushak og‘rig‘i, shish, bel og‘rig‘i va teridagi chechak kabi kasallikning ilk alomatlari kuzatilgan.
Мaymunchechak Afrika va Yevropa mamlakatlarida qayd etilgan yangi kasallik bo‘lib, Jahon sog‘liqni saqlash tashkiloti kasallanish soni ortishidan ogohlantirgan. Hozirgacha 20 dan ortiq mamlakatda maymunchechak bilan kasallanish holati aniqlangan.
