Andijon hokimi sportchi qizga 3 xonali uy berdi
Aziza Yoqubova Turkiyada o‘tgan boks musobaqasida tarixiy natija qayd etgan.
Kecha, 28-may kuni Andijon viloyati hokimi Shuhrat Abdurahmonov Andijon Olimpiya jamoasi kollejida murabbiylar, mutaxassislar va sportchilar bilan muloqot o‘tkazdi. Bu haqda Sportni rivojlantirish vazirligi xabar bermoqda.
Suhbat davomida hokim Turkiyada boks bo‘yicha ayollar o‘rtasida o‘tgan Jahon chempionatida 50 kg vazn toifasida bronza medalini qo‘lga kiritgan Aziza Yoqubovaga Andijondan 3 xonali uy sovg‘a qilinganini e’lon qilgan.
Ma’lumot uchun: Turkiyada 6-20-may kunlari ayollar o‘rtasida musobaqa bo‘lib o‘tgan. Unda o‘zbek sportchilari 2 ta bronza medalni qo‘lga kiritib, tarixiy natija qayd etishgan.
