Rossiyani terrorchi davlat deb tan olish vaqti keldi — Zelenskiy
Bu bo‘yicha Prezident Yevropa kengashiga murojaat qilmoqchi.
Ukraina Prezidenti Vladimir Zelenskiy jahon hamjamiyati Rossiyani qonuniy ravishda terrorchi davlat deb tan olish vaqti kelganini aytdi. Bu haqda u 28 may kungi videomurojaatida ta’kidlab o‘tgan.
Davlat rahbarining aytishicha, rus armiyasi 28 may kuni Sumi viloyatiga vahshiylarcha hujum uyushtirgan. Shuningdek, Nikolayevning o‘qqa tutilishi oqibatida bir kishi halok bo‘lib, yetti kishi jarohatlangan.
“Men dunyoga qayta-qayta eslatib o‘taman, Rossiya rasman terrorchi davlat, terrorizm homiysi deb tan olish kerak. Bu shunchaki haqiqat. Bosqinchilar bu harakatini Yevropaga olib chiqishni xohlaydi”, — degan Zelenskiy.
Ayni paytda Prezident 30-31 may kunlari bo‘lib o‘tadigan Yevropa kengashi yig‘ilishiga tayyorgarlik ko‘rmoqda.
“Men yig‘ilish ishtirokchilariga bu bo‘yicha murojaat qilaman. Faqat birgalikda, barcha yevropaliklar jam bo‘lib Rossiyaning bunday siyosatini to‘xtata olamiz”, — dagan u.
Javohirbek TURSUNOV
