Tamaki sanoati global isishga sabab bo‘lmoqda
Statistikaga ko‘ra, u har yili 600 million daraxtni yo‘q qiladi.
Jahon sog‘liqni saqlash tashkilotining yangi hisobotida aytilishicha, tamaki sanoati ko‘pchilik bilganidan ko‘ra kattaroq tahdid hisoblanadi. Chunki u dunyoning eng katta ifloslantiruvchilaridan biri bo‘lib, global isishga ham hissa qo‘shadi.
Butunjahon tamakidan voz kechish kuni munosabati bilan e’lon qilingan “Tamaki: sayyoramizni zaharlash” hisobotida tamaki sanoati atrof-muhitga va inson salomatligiga qanchalik zarar yetkazayotgani haqidagi yangi ma’lumotlar bayon etilgan.
Tamaki sanoati har yili 8 mln inson hayotini, 600 mln daraxtni, 200 ming gektar yerni va 22 mlrd tonna suvni yo‘q qiladi. Bundan tashqari, tamaki mahsulotlari sayyoramizdagi xavfli mahsulot bo‘lib, 7000 dan ortiq zaharli kimyoviy moddalarni o‘z ichiga oladi.
