Toshkentdagi “Imzo” fabrikasida yong‘in yuz bergani aytildi
Holat yuzasidan FVV ma’lumot berdi.
Bugun, 31 may kuni soat 18:11 da Toshkent shahar Yangihayot tumanining Nilufar ko‘chasida joylashgan syexda yong‘in sodir bo‘ldi. Bu haqda FVV axborot xizmati xabar berdi.
Qayd etilishicha, 6 ta yong‘in-qutqaruv ekipaji, 2 ta maxsus texnika zudlik bilan voqea joyiga yetib borgan va olov soat 18:51 to‘liq bartaraf etilgan.
Hodisa oqibatida hech kim tan jarohati olmagan. Binoning sendvich panelli tom yopmasining taxminan 300 kvadrat metr maydoni yonib zararlangan. Tezkor xarakatlar natijasida binodagi mahsulotlar yong‘indan saqlab qolingan
Ayni vaqtda yong‘inning kelib chiqish sababi va keltirilgan moddiy zarar miqdori aniqlanmoqda.
