AQSh yana 17 nafar rossiyaliklarga nisbatan sanksiya joriy etdi
Ammo Ukraina sanksiyalarni yetarli emas deb hisoblaydi.
AQSh moliya vazirligi Rossiyaga qarshi sanksiyalar ro‘yxatini yangilab, unga 17 nafar rossiyalik shaxsni kiritdi.
Ushbu ro'yxatda:
Rossiya Tashqi ishlar vazirligi matbuot kotibi Mariya Zaxarova;
Rossiya Federatsiyasi qurilish vaziri Irek Fayzullin;
Rossiya Federatsiyasi Iqtisodiy rivojlanish vazirligi boshlig'i Maksim Reshetnikov;
Rossiya Federatsiyasi Transport vazirligi rahbari Vitaliy Savelyev va boshqalar bor.
Amerika texnologiyalari va dasturiy ta'minotidan foydalanishdan mahrum bo'lganlar ro'yxatiga Rossiya Federatsiyasi va Belarusdan yana 71 kishi qo'shildi.
Bundan tashqari, rossiyaliklarga aloqador 7 ta yaxta va 3 ta samolyotga nisbatan sanksiyalar joriy etilgan.
Eslatib o‘tamiz, bugun Rossiyaga qarshi sanksiyalarning oltinchi paketi Yevropa Ittifoqi tomonidan ma’qullangan edi.
Ukraina rahbariyati Rossiya Federatsiyasiga nisbatan qo‘llanilgan cheklov choralarini yetarli emas, deb hisoblaydi.
