AQSH va Yevropa Ukrainada ehtimoliy yarashuv masalasini muhokama qildi
Bu muzokaralar Kiyev ishtirokisiz o‘tkazilgan.
AQSH administratsiyasi vakillari so‘nggi haftalar davomida Ukrainada o‘t ochishni to‘xtatish masalasida Yevropadagi ittifoqchilari bilan muzokara o‘tkazgani maʼlum bo‘ldi.
CNN maʼlumotlariga ko‘ra, Kiyev bu muloqotda ishtirok etmagan. Telekanal bilan suhbatlashgan manbalar ushbu maslahatlashuvlar aniq reja asosida o‘tkazilmaganini taʼkidlagan. Ammo Vashington Kiyevga hududiy yon berishlar masalasida bosim o‘tkazmasligi maʼlum qilingan.
Bu kabi uchrashuvlar o‘tkazilsa-da, AQSH administratsiyasi nizo tomonlarining yarashuvga tayyor emas, degan fikrda. Ammo mojaroning cho‘zilishi global iqtisodiy inqirozning chuqurlashuviga olib keladi. Shu bilan birga Qo‘shma Shtatlar Ukrainani "uzoq vaqt qo‘llab-quvvatlashiga" ishonmoqda.
Avvalroq Interpol Ukrainadagi qurollar taqdiridan xavotir bildirgandi.
