Chirchiqda 700 quti noqonuniy dori aniqlandi
Fuqaro ularni 134 mln so‘mga sotayotganda ushlangan.
Toshkent viloyati Chirchiq shahrida dori vositalarini dorixonadan tashqarida sotish holati aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish depatramenti xabar berdi.
Qayd etilishicha, departamentning Chirchiq shahar bo‘limi DXX xodimlari bilan hamkorlikda tezkor tadbirda o‘tkazgan. Unda fuqaro Sh. S. dori vositalarini noqonuniy muomalaga kiritish orqali daromad orttirishni ko‘zlab, 100 quti “Geparen-belmed” va 600 quti “Kleksan” nomli dori vositalarini fuqaro D. ga 134,5 mln so‘mga sotgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 186-3-moddasi (dori vositalarini yoki tibbiy buyumlarni dorixonalardan va ularning filiallaridan tashqarida realizasiya qilish) bilan jinoyat ishi qo‘zg‘atilib, tergov harakatlari o‘tkazilmoqda.
