Fermerlardan rejadan tashqari don talab qilishga chek qo‘yilgan — Bosh prokuratura
Shu kungacha g‘alla yetishtiruvchilarga qancha mablag‘ to‘langani ochiqlandi.
AOKAda Ichki bozorda un va don mahsulotlari narxining o‘sishi va taqchilligining oldini olish bo‘yicha Respublika shtabi faoliyati yuzasidan brifing bo‘lib o‘tdi.
Unda so‘zga chiqqan Bosh prokuratura boshqarma boshlig‘i Murodilla Abduhakimovning so‘zlariga ko‘ra, g‘alla mavsumi boshidan buyon 170 ming tonna don korxonalarga topshirildi. Hozirda bir kilogramm bug‘doy 3 ming so‘mdan qabul qilinmoqda. Agar birjada narx ko‘tarilsa, yana qo‘shimcha haq to‘lab berilishi belgilandi.
Shu kunga qadar fermerlarga 146 milliard so‘mlik mablag‘ to‘lab berildi.
Yana bir muhim yangilik — g‘alla yetishtiruvchilardan rejadan tashqari ortiqcha don talab qilinishiga to‘liq chek qo‘yildi. Ushbu jarayon prokuratura xodimlari tomonidan to‘liq nazoratga olindi.
