Andijonda ayollarga OIV kasalligini qasddan yuqtirib kelgan erkak qo‘lga olindi
Hozirda mazkur fuqaro qamoqqa olib, tergov qilinmoqda.
Andijon viloyatining Shahrixon tumanida yashovchi ekrak o‘zida OIV infeksiyasi borligini bila turib, bu kasallikni 3 nafar ayolga qasddan yuqtirdi. Bu haqda viloyat IIB axborot xizmati xabar berdi.
Qayd etilishicha, S. M. ismli fuqaro Andijon viloyati OITSga qarshi kurashish markazida 2020-yilning mart oyida dispanser nazoratiga olingan. Fuqaro o‘zida tanosil kasalligi borligini bila turib, bu kasalni boshqa shaxsga yuqtirish O‘zbekiston Respublikasi Jinoyat kodeksining 113-moddasi bilan jinoiy javobgarlikka tortilishi haqida ogohlantirilgan.
Shunga qaramay, u Bo‘ston tumanida yashovchi M. D. va Shahrixon tumanida yashovchi Y.SH. lar bilan betartib jinsiy aloqada bo‘lib, ularga OIV infeksiyasini yuqtirgan. Buloqboshi tumanida yashovchi R. N. ismli ayol bilan ham shu holat takrorlangan va uni OIV infeksiyasini yuqtirish xavfi ostida qoldirgan.
Mazkur holat yuzasidan Shahrixon tumani IIB huzuridagi tergov bo‘linmasi tomonidan S.M. ga nisbatan O‘zbekiston Respublikasi Jinoyat Kodeksining 113-moddasi 4-qismi bilan jinoyat ishi qo‘zg‘atilib, qamoqqa olish ehtiyot chorasi qo‘llanilgan. Hozirda tergov harakatlari olib borilmoqda.
