Tokio va Vashington iqtisodiy hamkorlikni chuqurlashtirmoqchi
Tomonlar shu yo‘nalishda “2+2” formatda vazirlar uchrashuvini tashkil qilishi mumkin.
Yaponiya va AQSH iqtisodiy yo‘nalishlarda “2+2” formatidagi vazirlar uchrashuvini tashkil etishi mumkin. Bu haqda NHK telekanali xabar berdi.
Hozirda Tokio va Vashington siyosiy va harbiy sohaga oid “2+2” formatli uchrashuv o‘tkazib keladi. Unda tashqi ishlar va mudofaa vazirlari ishtirok etadi.
Yangi format esa iqtisodiyot tarmoqlariga javob beruvchi vazirlar va tashqi siyosiy idora rahbarlari qatnashishi mumkin.
Bu uchrashuvlarda tomonlar yuqori texnologiyalar, xususan yarim o‘tkazgichlar ishlab chiqarish hamda iqlim o‘zgarishi masalasini muhokama qilmoqchi.
Avvalroq Yaponiya bosh vaziri AQSH prezidenti bilan muzokara o‘tkazgandi.
