Sanksiyalar sabab Rossiya iqtisodiyoti 15 yil ortga qaytadi
Ekpertlar vaziyat yanada yomonlashishi mumkinligini taxmin qilmoqda.
Rossiya iqtisodiyoti bu yil 15 foizga, 2023 yilda esa 3 foizga qisqaradi va 15 yillik iqtisodiy o‘sish ortga qaytadi. Bu haqda “Reuters” nashri mutaxassislar prognozini e’lon qildi.
Qayd etilishicha, bunday oqibatlar Rossiyaga Gʻarb sanksiyalari ta’siri, yirik kompaniyalarning mamlakatdan chiqib ketishi va eksportning qulashi natijasida yuzaga keladi.
Agar Yevropa Rossiyadan energiya resurslarini import qilishdan butunlay voz kechsa, u holda iqtisodiy tanazzul ancha sezilarli bo‘ladi.
Jahon iqtisodiy ekspertlari yaqin oylarda Rossiyaga qarshi sanksiyalar kengaytirilishi va kuchaytirilishiga ishonch bildirmoqda.
Eslatib o‘tamiz, bundan oldin Rossiya Federasiyasi Markaziy banki sanksiyalarning to‘liq ta’siri hali oldinda ekanligini ma’lum qilgandi.
