Bo‘stonliqda Сaptiva butunlay yonib ketdi
Holat yuzasidan FVV ma’lumot berdi.
Bugun, 12 iyun kuni Toshkent viloyatining Bo‘stonliq tumanida Kaptiva rusumli avtomashina yonib ketdi. Bu haqda Favqulodda vaziyatlar vazirdigi Matbuot xizmati xabar berdi.
Qayd etishicha, hodisa Bo‘stonliq tumanining Amirsoy oromgohi yo‘lida sodir bo‘lgan. 1 ta yong‘in-qutqaruv ekipaji soat 12:48 da voqea joyiga yetib borib, yong‘in soat 12:51 da qurshab olingan va soat 13:05 da to‘liq o‘chirilgan.
Hodisa oqibatida tan jarohati olish va halok bo‘lish xolatlari qayd etilmagan. Hozirda yong‘inni kelib chiqish sababi o‘rganilmoqda.
