McDonald’s Rossiyaga qaytdi
Iyun oyining oxirigacha 200 ga yaqin restoran ochiladi.
Rossiyada uch oylik tanaffusdan so‘ng sobiq McDonald’s fast-food restoranlari yana ishlay boshladi.
13-iyun kuni yana 50 ta filial ochiladi, iyun oyining oxiriga kelib 200 ga yaqin, keyin haftasiga 50 dan 100 tagacha restoran ochiladi, dedi tarmoq bosh direktori Oleg Paroyev Pushkinskaya maydonidagi restoranning ochilish marosimida.
U yaqin 5-6 yil ichida restoranlar tarmog‘i 850 tadan 1000 tagacha kengayishi mumkinligini ta’kidladi.
McDonald’s boshqa ko‘plab xorijiy kompaniyalar singari Rossiyaning Ukrainaga bostirib kirishidan so‘ng, Rossiya bozorida ish to‘xtatilganini e’lon qildi. Ammo xodimlarga maosh to‘lashda davom etdi. May oyi o‘rtalarida McDonald’s Rossiyani tark etishga qaror qilgani ma’lum bo‘ldi.
