O‘zbekiston—Iroq futbol bahsida muxbir yaralandi
Muxlislar tomonidan otilgan tosh unga kelib teggan.
Kecha, 11-iyun kuni O‘zbekiston — Iroq o‘yinida muxlislar tomonidan otilgan tosh UzNews.uz fotomuxbirining ko‘krak qafasiga kelib tegdi. Bu haqda mazkur nashr xabar qilmoqda.
Ma’lum qilinishicha, uyinning 12-daqiqasida O‘zbekiston terma jamoasi darvozaboni raqib futbolchisiga nisbatan qo‘pollik qilgan. Shundan so‘ng hakam tomonidan unga qizil kartochka ko‘rsatilgan. Hakamning qaroridan norozi bo‘lgan futbol muxlislari “toshbo‘ron” uyushtirgan.
Maydonga qarata otilgan tosh UzNews.uz fotomuxbiriga kelib teggan va u hushuni yo‘qotib yerga yiqilgan. Ushbu holatdan so‘ng shifokorlar birinchi tez tibbiy yordam ko‘rsatishgan va fotomuxbir Respublika shoshiling tez tibbiy yordam ilmiy markaziga jo‘natilgan.
