O‘zbekistondagi 2 ta OTM Buyuk Britaniyaning xalqaro reyting tashkiloti tomonidan taqdirlandi
Qaysi oliygohlar taqdirlangani bo‘yicha vazirlik ma’lumot berdi.
10 iyun kuni Buyuk Britaniyaning eng nufuzli xalqaro reyting tashkilotlaridan biri QS (Quacquarelli Symonds) World University Rankings 2023 natijalari e’lon qilindi. Bu haqda Oliy va o‘rta maxsus ta’lim vazirligi Matbuot xizmati xabar berdi.
Qayd etilishicha, ushbu reytingdan 1422 ta OTM o‘rin egallab, xalqaro reyting tashkiloti tomonidan 4 ta nominasiya bo‘yicha butun dunyodan 26 ta oliy ta’lim muassasasiga g‘oliblik taqdim etilgan.
O‘zbekistondan 2 ta OTM “QS World University Rankings” 2023 reytingidagi muvaffaqiyatli ishtiroki uchun “QS Recognition of Data Engagement” nominasiyasi bo‘yicha taqdirlandi.
Bular:
—Toshkent davlat yuridik universiteti;
—Toshkent davlat iqtisodiyot universiteti.
Ma’lumot uchun: “QS Recognition of Data Engagement” nominasiyasi QS xalqaro reyting tashkiloti tomonidan yuqori samaradorlik natijasida alohida faollik ko‘rsatgan oliy ta’lim muassasalariga beriladi.
