Kitob tumaniga yangi hokim tayinlandi
Avvalgi hokim boshqa ishga o‘tgani munosabati bilan lavozimidan ozod etildi.
Bugun, 14-iyun kuni xalq deputatlari Kitob tumani Kengashining navbatdan tashqari sessiyasi bo‘lib o‘tdi. Bu haqda Qashqadaryo viloyat hokimligi matbot xizmati xabar bermoqda.
Ma’lum qilinishicha, sessiyada tuman hokimi A.Zakirov boshqa ishga o‘tishi munosabati bilan vazifasidan ozod etilgan. Deputatlar Pardayev O‘ktam Berdimurodovichni Kitob tumani hokimi lavozimiga tasdiqlagan.
O‘. Pardayev 1978 yilda Qamashi tumanida tug‘ilgan. Toshkent davlat iqtisodiyot universiteti va O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.
U tayinlovga qadar O‘zbekiston Savdo-sanoat palatasi Qashqadaryo viloyati hududiy boshqarmasi boshlig‘i lavozimida ishlab kelayotgan edi.
