Toshkent shahrida bir qator ko‘chalar 7 soatga yopildi
IIV YHXX cheklov sababini ma’lum qildi.
Toshkent shahrining Chilonzor tumanida bir nechta ko‘chalar qurilish-ta’mirlash ishlari olib borilishi munosabati bilan 7 soatga vaqtincha yopildi. Bu haqda IIV YHXX Matbuot xizmati xabar berdi.
Qayd etilishicha, cheklov 15 iyun kuni soat 17:00 dan soat 24:00 gacha bo‘lgan vaqtgacha amal qiladi.
Avtomashinalar harakati cheklanayotgan ko‘chalar:
— Muqimiy va Chilonzor ko‘chalari chorrahasidan, Chilonzor va KXAY ko‘chalari chorrahasigacha bo‘lgan qismi;
— Muqimiy va Arnasoy ko‘chalari chorrahasidan, Cho‘ponota va Arnasoy ko‘chalari chorrahasigacha bo‘lgan qismi;
— Bunyodkor ikkinchi darajali ko‘chasidan-Cho‘ponota ko‘chasigacha bo‘lgan qismi.
“Yuzaga kelayotgan noqulayliklar uchun uzr so‘raymiz va aylanma yo‘llardan foydalanishni tavsiya qilamiz”, — deyiladi xabarda.
