Erdog‘an: Turkiya asrimizning eng yorqin yulduzlaridan biri bo‘ladi
Turkiya yetakchisi mamlakatning eksport salohiyati haqida gapirdi.
Energiya resurslarining narxi oshib ketishi Turkiyaga ham salbiy taʼsir ko‘rsatdi. Bu haqda Rajab Toyyib Erdog‘an maʼlum qildi.
Uning so‘zlariga ko‘ra, mamlakatda Adolat va taraqqiyot partiyasi hokimiyat tepasiga kelgan yil — 2002 yilda 36 milliard dollarni tashkil etgan bo‘lsa, hozirda hukumat o‘z oldiga uning hajmini 500 milliard dollarga olib chiqishni mo‘ljallamoqda.
“Hukumatning maqsadi — eksport hajmini 500 milliard dollarga yetkazish. Shundan keyin bu ko‘rsatkichni ikki barobar oshiramiz. Eksportning o‘sishi bandlik darajasining oshishiga ham sabab bo‘ladi. Ishlab chiqarish o‘smoqda, turizm rivojlanmoqda. Shubhasiz, Turkiya XXI asrning yorqin yulduzi bo‘ladi”, – degan Erdog‘an.
Avvalroq Erdog‘an Shvetsiya va Finlyandiyaning NATOga kirishidan xavotir bildirgandi.
