Toshkentda jamoat transporti yetib bormagan mahallalarga avtobus yo’nalishlari ochiladi
Birinchi yo‘nalish iyul oyidan yo‘lga qo‘yiladi.
Poytaxtda jamoat transporti yetib bormagan 26 ta mahallaga qo‘shimcha 12 ta avtobus yo‘nalishlari ochiladi hamda metropoliten yo‘nalishlari bilan bog‘lanadi. Bu haqda Toshkent shahar transport boshqarmasi matbuot xizmati xabar berdi.
Ulardan ilk avtobus yo‘nalish harakati joriy yilning iyul oyidan yo‘lga qo‘yilib, Yunusobod tumanining jamoat transporti yetib bormagan Tiklanish, Hasanboy va Hamkorobod mahallalari orqali Holis, Nurmakon, Yuqori Qoraqamish, Moyqo‘rg‘on, Axmad Donish ko‘chalaridan Yunusobod metrosigacha harakatlanadi.
Yangi tashkil etiladigan yo‘nalishda 3 ta avtobus harakatlanib, ularning oraliq intervali 12-13 daqiqadan iborat bo‘ladi.
