Yevropada qishga g‘amlab qo‘yilgan gazdan foydalanish boshlandi
2023 yil yanvarida YеI butunlay yoqilg‘isiz qolishi mumkin.
Yevropa qishki zahira gazlaridan foydalanishni boshladi. Bu haqda Bloomberg agentligi xabar berdi.
Bunga asosiy sabab Rossiyadan yetkazib berish hajmining kamayishi bo‘lgan. xususan, Fransiya, Italiya, Avstriya va Germaniyaga gaz yetkazish qisqargan. Bu “Gazprom”ning Siemens gaz quvurida taʼmirlash ishlari sabab gaz yetkazib berishni to‘xtatgani bilan bog‘liq.
Aprel o‘rtalaridan buyon Yevropa yerosti gaz omborlarida zahiralar kamaygan. So‘nggi maʼlumotlarga ko‘ra, ular 1 foizga pasaygan. Odatda yoz mavsumida ushbu omborlar to‘ldiriladi va qishning o‘rtasiga qadar saqlanadi.
Wood Mackenzie Ltd. Kompaniyasining pessimistik prognozlariga ko‘ra, “Shimoliy oqim” gaz quvuri butunlay to‘xtatilgan taqdirda Yevropada isitish mavsumi boshlanishiga qadar YеI belgilagan darajadan kam gaz zahiralari qoladi. Bunday sharoitda yanvarda yoqilg‘i butunlay tugaydi.
Avvalroq "Saudi Aramco" kompaniyasi rahbari energetika tanqisligining oldini olish uchun neft-gaz tarmog‘iga investitsiya kiritishni taklif qilgandi.
