Bugun Toshkentda ayrim ko‘chalar 12 soatga yopiladi
IIV YHXX cheklov sababini ma’lum qildi.
Bugun, 19-iyun kuni O‘zbekiston va Saudiya Arabistoni o‘rtasida U-23 Osiyo kubogining final bosqichi o‘tkazilishi munosabati bilan Chilonzor tumanining quyida keltirilgan ko‘chalarida soat 12:00 dan soat 24:00 gacha bo‘lgan vaqt oralig‘ida avtotransport vositalari harakati vaqtinchalik cheklanadi. Bu haqda Yo‘l harakati xavfsizligi xizmati xabar berdi.
Unga ko‘ra,
— Muqimiy va Chilonzor ko‘chalari chorrahasidan, Chilonzor va KXAY ko‘chalari chorrahasigacha bo‘lgan qismi;
— Muqimiy va Arnasoy ko‘chalari chorrahasidan, Cho‘ponota va Arnasoy ko‘chalari chorrahasigacha bo‘lgan qismi;
— Bunyodkor ikkinchi darajali ko‘chasidan-Cho‘ponota ko‘chasigacha bo‘lgan qismi.
IIV YHXX yuzaga kelayotgan noqulayliklar uchun uzr so‘rab, aylanma yo‘llardan harakatlanishni tavsiya qiladi.
