Shavkat Mirziyoyev Hindiston Prezidentiga hamdardlik bildirdi
Bu mamlakatda ro‘y bergan tabiiy ofatda ko‘plab insonlarning halok bo‘lgani munosabati bilan amalga oshirildi.
Bugun, 19-iyun kuni O‘zbekiston Prezidenti Shavkat Mirziyoyev Hindistonning shimoli-sharqidagi hududlarda yuz bergan tabiiy ofatlar oqibatida ko‘plab insonlar qurbon bo‘lgani munosabati bilan mamlakat Prezidenti Ram Nath Kovind va Bosh vaziri Narendra Modiga hamdardlik yo‘lladi. Bu haqda Prezident matbuot xizmati xabar berdi.
Eslatib o‘tamiz, 18-iyun kuni Hindistonning shimoli-sharqidagi Assam va Megalaya shtatlarida yirik suv toshqinlari kuzatildi. Dastlabki ma’lumotlarga ko‘ra, hodisa oqibatida 30 dan ortiq kishi halok bo‘lgan.
